Фликнинг дисквалификацияси ўз кучида қолди
У "Жирона"га қарши ўйинда ҳакам қарорларидан норозилик билдиргани учун икки сариқ карточка олганди.
ФОТО: Getty images
"Барселона" бош мураббийи Ханс-Дитер Флик "Жирона"га қарши (2:1) ўйинда ҳакам қарорларидан норозилик билдиргани учун икки сариқ карточка олиб, майдондан четлатилган эди.
Каталонияликлар бу қарорга қарши апелляция берганди. Қироллик Испания футбол федерациясининг (RFEF) интизом қўмитаси каталонияликларнинг апелляциясини қабул қилмади.
"Иккита сариқ карточкани бекор қилиш ҳақидаги илтимос рад этилди. Шу боис, жаноб Ханс-Дитер Фликнинг майдондан четлатилиши ортидан белгиланган бир ўйинлик дисквалификация ўз кучида қолади", — дейилади қўмита баёнотида.
Шундай қилиб, германиялик мутахассис 26 октябрь куни бўладиган "Реал"га қарши беллашувни ўтказиб юборади.
Розикжон Султонмуродов
Журналист
