Флик: «Жамоа биоз чарчаган, аммо футболчиларнинг кайфияти ажойиб»
«Барселона» бош мураббийи Ҳанс-Дитер Флик жамоасининг Ла Лига 17-туридаги «Вильярреал» устидан 2:0 ҳисобидаги ғалабаси ҳақида фикр билдирди.
«Ғалаба муҳим. «Вильярреал»да ажойиб жамоа бор, ҳужуми жуда тезкор. Футболчиларимдан хурсандман, уч очко қўлга киритдик. Уларнинг ўйини ёқди. Охир-оқибат, энг муҳими — уч очко ва дарвозамизни ёпиқ сақлаш.
Мен мамнунман. Жоан Гарсия бизни қутқарди ва рақибга гол уришга имконият бермади. Жамоа биоз чарчаган эди. Натижада вариативлик чекланган бўлди. Аммо жамоанинг кайфияти ажойиб. Бу билан фахрланаман», — дея Фликнинг сўзларини келтиради Marca.
Испания чемпионатининг 18 туридан сўнг «Барселона» 46 очко жамғарган ҳолда турнир жадвалида пешқадамлик қилмоқда. «Вильярреал» эса 16 ўйиндан сўнг 35 очко билан учинчи ўринда бормоқда.
Кейинги турда «Барселона» 3 январ куни сафарда «Эспаньол»га қарши ўйнайди, «Вильярреал» эса айни кунда «Эльче» билан майдонга тушади.
