Флик Ла Лигада мавсумнинг энг яхши мураббийи деб топилди
У клуб билан Ла Лигада чемпионликни қўлга киритди
Фото: Getty Images
Испания Ла Лигасида мавсумнинг энг яхши мураббийи аниқланди. Лига сайти хабарига кўра, совринни “Барселона” устози Ханс-Дитер Флик қўлга киритди.
“Барселона” 88 очко (28 ғалаба, тўртта дуранг, олтита мағлубият) тўплаб, Испания чемпионига айланди. “Реал” эса 4 очкога ортда қолди.
У соврин учун курашда Диего Симеоне, Эрнесто Вальверде, Маноло Гонсалес, Мануэль Пеллегрини каби мутахассисларни ортда қолдирди.
Флик қўл остида “Барселона” жорий мавсумда иккита кубок турнирида ҳам ғолиб чиқди.
Розикжон Султонмуродов
Журналист
