Флик “Барселона”да яна иккита позицияни мустаҳкамламоқчи
ФОТО: Getty Images
Каталониянинг “Барселона” клуби бош мураббийи Ҳанс-Дитер Флик жамоанинг ёзги трансфер сиёсатига мамнун. Бу ҳақда Sport.es нашри хабар бермоқда.
Эслатиб ўтамиз, аввалроқ каталонияликлар дарвозабон Жоан Гарсия билан шартнома имзолади ва “Атлетик Бильбао” ҳужумчиси Нико Уильямсни ўз сафида кўришга яқин турибди.
Манбага кўра, немис мутахассиси энди клубнинг яна иккита позициясини мустаҳкамлашни истамоқда.
Мураббийнинг фикрича, жамоа Жюль Кундeнинг ўрнини тўлдира оладиган ўнг қанот ҳимоячиси ва Роберт Левандовскининг ўрнини босадиган ҳужумчи билан шартнома имзолаши керак.
Маълумот учун, Ҳанси Флик бошқарувидаги “Барселона” ўтган мавсум Ла Лигада чемпион бўлди, шунингдек, Испания Кубоги ва Суперкубогини ҳам қўлга киритди.
Насрулло Каримов
Журналист
