Де Йонг маоши борасидаги миш-мишларга ўз муносабатини билдирди
Аввалроқ, 28 ёшли ярим ҳимоячи клуб билан шартномасини узайтирган эди.
ФОТО: Getty images
"Барселона" футболчиси Френки де Йонг маоши ҳақида фикр билдирди.
Аввалроқ, 28 ёшли ярим ҳимоячи клуб билан шартномасини узайтирган эди.
Янги шартномага кўра, футболчининг маоши йилига олти миллион еврони ташкил этиши айтилганди.
"Янги шартнома бўйича қанча олишим мумкинлигини бошқалар билан ҳисолашишни истамайман. Бу мавзуда доим гап-сўзлар, ёлғонлар кўп бўлган, лекин тўғри рақамлар эълон қилинмаган. Бу одамларга таъсир қилади. Агар улар менинг Европадаги энг юқори маошли футболчи эканлигимни ўқишса, менга бошқача қарашади. Бунда журналистларнинг ҳам айби бор," - дея де Йонгнинг сўзларини келтиради Marca.
Эслатиб ўтамиз, нидерландиялик 2019 йилда "Барселона"га кўчиб ўтган.
Розикжон Султонмуродов
Журналист
