De Yong maoshi borasidagi mish-mishlarga o‘z munosabatini bildirdi

"Barselona" futbolchisi Frenki de Yong maoshi haqida fikr bildirdi.

Avvalroq, 28 yoshli yarim himoyachi klub bilan shartnomasini uzaytirgan edi.

Yangi shartnomaga ko‘ra, futbolchining maoshi yiliga olti million yevroni tashkil etishi aytilgandi.

"Yangi shartnoma bo‘yicha qancha olishim mumkinligini boshqalar bilan hisoblashishni istamayman. Bu mavzuda doim gap-so‘zlar, yolg‘onlar ko‘p bo‘lgan, lekin to‘g‘ri raqamlar e’lon qilinmagan. Bu odamlarga ta’sir qiladi. Agar ular mening Yevropadagi eng yuqori maoshli futbolchi ekanligimni o‘qishsa, menga boshqacha qarashadi. Bunda jurnalistlarning ham aybi bor," – deya de Yongning so‘zlarini keltiradi Marca.

Eslatib o‘tamiz, niderlandiyalik 2019 yilda "Barselona"ga ko‘chib o‘tgan.

Roziqjon Sultonmurodov

Jurnalist