Бирорта журналист овоз бериш вақтижа Рафиньяни 1-ўринга қўймаган
Усмон Дембеле катта устунлик билан ғалаба қозонган.
ФОТО: Getty images
"Барселона" вингери Рафинья Диас "Олтин тўп" учун даъвогарлардан бири ҳисобланганди.
Аммо овоз бериш натижаларига кўра бешинчи бўлганди.
Бразилиялик Усмон Дембеле (1380), Ламин Ямал (1059), Витинья (703) ва Муҳаммад Салоҳдан (657) ортда қолиб, 620 очко тўплади.
L’Equipe нашрининг ёзишича, юзта журналистдан бирортаси "Барселона"нинг 28 ёшли юлдузини биринчи ўринга қўймаган.
Сўровда қатнашган 73 киши "Олтин тўп"га энг муносиб номзод Дембеле деб ҳисоблади, Ямал 11 та "биринчи ўрин" овозини қўлга киритди, Витинья олтита, Салоҳ тўртта, Ҳакимий учта овоз олди. Яна биттадан журналист Хвича Кварацхелия, Скотт Мактоминай ва Килиан Мбаппени энг яхши деб топганлиги маълум бўлди.
Розикжон Султонмуродов
Журналист
