“Барселона” янги дарвозабон трансфери бўйича келишувга эришди
ФОТО: Getty Images
Каталониянинг “Барселона” клуби “Эспаньол” дарвозабони Жоан Гарсиянинг агентлари билан келишувга эришди. Бу ҳақда Mundo Deportivo нашри хабар бермоқда.
Манбага кўра, томонлар ўртасида тузилажак шартнома 5 йилга мўлжалланган. Айни дамда битим футболчи томонидан маъқулланиши кутилмоқда.
Қайд этилишича, Гарсия кўплаб таклифлар олган, хусусан, “Арсенал”, “Ньюкасл”, “Астон Вилла”, “Наполи”, “Интер” ва “Байер” каби клублар испаниялик голкиперга қизиқиш билдирган.
Гарсия шу ҳафта охирида бўлиб ўтадиган агентлар билан учрашувдан сўнг бир қарорга келади. Таъкидланишича, “кўк-анорранглилар” футболчининг товон пули бўлган 25 миллион еврони тўлашга тайёр.
Насрулло Каримов
Журналист
