“Барселона” Роберт Левандовски ўрнига Хулиан Алваресни олиб келмоқчи
Футбол
Насрулло Каримов
Журналист
ФОТО: Getty Images
Каталониянинг “Барселона” клуби “Атлетико Мадрид”нинг 25 ёшли ҳужумчиси Хулиан Алваресга қизиқиш билдирмоқда ва уни Роберт Левандовски ўрнига олиб келиш вариантини кўриб чиқмоқда. Бу ҳақда Marca нашри хабар бермоқда.
Манбага кўра, “кўк-анорранглилар” учун аргентиналик футболчининг трансфери амалга ошириш қийин бўлади, чунки Алварес “Атлетико”нинг асосий фигурасига айланиб улгурган, шунингдек, у клуб ва шаҳарга тўлиқ мослашган.
Маълумот учун, Алварес жорий мавсум барча турнирларда 50 та ўйинда майдонга тушиб, 27 та гол урди ва 5 та голли узатмани амалга оширди. Унинг Transfermarkt'даги нархи 90 миллион еврога баҳоланмоқда.
