“Барселона” президенти Рафиньянинг келажагига ойдинлик киритди
ФОТО: Getty Images
Каталониянинг “Барселона” клуби президенти Жоан Лапорта Рафиньянинг 2027 йилнинг ёзида якунга етадиган шартномасини узайтиришини тасдиқлади. Бу ҳақда Фабрицио Романо хабар бермоқда.
“Рафинья билан янги шартнома имзоланади. Деко Рафа билан яхши муносабатда. Футболчи лойиҳанинг бир қисми эканлигини ҳис қилмоқда. Биз келишувга эришамиз, чунки биз унинг қолишини истаймиз”, - дейди Лапорта.
Маълумот учун, Рафинья жорий мавсум барча турнирларда 56 та ўйинда майдонга тушиб, 34 та гол урди ва 25 та голли узатмани амалга оширди. Унинг Transfermarkt'даги нархи 80 миллион еврога баҳоланмоқда.
Насрулло Каримов
Журналист
