“Барселона” президенти Ламин Ямал билан шартномани узайтириш борасида фикр билдирди
ФОТО: Getty Images
Каталониянинг “Барселона” клуби президенти Жоан Лапорта Ламин Ямалнинг 2026-йилнинг ёзида якунга етадиган шартномасини узайтириш ҳақидаги саволга жавоб берди.
“У “Барса”ни яхши кўрадиган ва шу авлоднинг бир қисми бўлган даҳо. Ламин - ажойиб индивидуал иқтидорга эга футболчи.
Унинг агенти Хорхе Мендеш, биз у билан осон мулоқотга кирамиз. Ямалнинг шартномасини узайтириш амалда келишиб олинган, фақат имзо қўйиш қолди, холос”, - дейди Лапорта.
Эслатиб ўтамиз, аввалроқ ОАВда Ямал 18 ёшга тўлганидан сўнг “Барселона” билан шартномасини 2030-йилга қадар узайтириши ҳақида хабарлар тарқалганди.
Насрулло Каримов
Журналист
