“Barselona” prezidenti Lamin Yamal bilan shartnomani uzaytirish borasida fikr bildirdi
FOTO: Getty Images
Kataloniyaning “Barselona” klubi prezidenti Joan Laporta Lamin Yamalning 2026-yilning yozida yakuniga yetadigan shartnomasini uzaytirish haqidagi savolga javob berdi.
“U “Barsa”ni yaxshi ko'radigan va shu avlodning bir qismi bo'lgan daho. Lamin - ajoyib individual iqtidorga ega futbolchi.
Uning agenti Xorxe Mendesh, biz u bilan oson muloqotga kirishamiz. Yamalning shartnomasini uzaytirish amalda kelishib olingan, faqat imzo qo'yish qoldi, holos”, - deydi Laporta.
Eslatib o'tamiz, avvalroq OAV'da Yamal 18 yoshga to'lganidan so'ng “Barselona” bilan shartnomasini 2030-yilga qadar uzaytirishi haqida xabarlar tarqalgandi.
Nasrullo Karimov
Jurnalist
