“Барселона” Лионель Мессини табриклади
ФОТО: Getty Images
Каталониянинг “Барселона” клуби аргентиналик ҳужумчи Лионель Мессини 38 ёшга тўлгани билан табриклади.
“Туғилган кунинг билан, Лео”, - дейилади клуб хабарда.
Эслатиб ўтамиз, Месси 2002-йилдан 2021-йилгача “Барселона” тизимида ҳаракат қилган. 2003-йилнинг ноябр ойида эса клубнинг катталар жамоасида дебют қилган.
Умуман олганда, Месси испан гранди таркибида жами 778 та ўйинда майдонга тушиб, 672 та гол урган ва 303 та голли узатмани амалга оширган. “Барселона” футболчиси сифатида Лео 7 марта “Олтин тўп”ни қўлга киритган.
Насрулло Каримов
Журналист
