«Барселона» қишда янги футболчиларни сотиб олмоқчи эмас
"Барселона" спорт директори Декунинг таъкидлашича, клуб қишки трансфер ойнасида ўз таркибини кучайтириш ҳақида ўйламаяпти.
"Айни дамда қишда бозорга кириш учун ҳеч қандай сабаб кўрмаяпман. Мавсум ҳали олдинда, кўп нарса ўсиб бориши билан ойдинлашади. Ҳеч қайси футболчи жамоани тарк этиш истагини билдирмаган, шунинг учун бу бизнинг режаларимизга таъсир қилмайди.
Агар вазият ўзгарса ёки ҳақиқий эҳтиёж туғилса, биз жавоб беришга тайёрмиз. Исмларни айтмоқчи эмасман, аммо воқеалар ривожини диққат билан кузатиб борамиз", - дея Деку сўзларини келтиради Football Espana нашри.
Эслатиб ўтамиз, “Барселона” айни дамда Испания чемпионатида 9 ўйиндан сўнг 22 очко билан иккинчи ўринда бормоқда. “Реал Мадрид” худди шундай ўйинлардан сўнг 24 очко билан турнир жадвалида пешқадамлик қилмоқда.
