«Barselona» qishda yangi futbolchilarni sotib olmoqchi emas
"Barselona" sport direktori Deko ta’kidlashicha, klub qishki transfer oynasida o‘z tarkibini kuchaytirish haqida o‘ylamayapti.
"Ayni damda qishda bozorga kirish uchun hech qanday sabab ko‘rmayapman. Mavsum hali oldinda, ko‘p narsa o‘sib borishi bilan oydinlashadi. Hech qaysi futbolchi jamoani tark etish istagini bildirgan emas, shuning uchun bu bizning rejalarimizga ta’sir qilmaydi.
Agar vaziyat o‘zgarsa yoki haqiqiy ehtiyoj tug‘ilsa, biz javob berishga tayyormiz. Ismlarni aytmoqchi emasman, ammo voqealar rivojini diqqat bilan kuzatib boramiz", – deya Deko so‘zlarini keltiradi Football Espana nashri.
Eslatib o‘tamiz, “Barselona” ayni damda Ispaniya chempionatida 9 o‘yindan so‘ng 22 ochko bilan ikkinchi o‘rinda bormoqda. “Real Madrid” xuddi shunday o‘yinlardan so‘ng 24 ochko bilan turnir jadvalida peshqadamlik qilmoqda.
