“Барселона” Ҳанс-Дитер Флик билан шартномани узайтиради - Марка

Футбол 23 апр 2025 да 11:10

Насрулло Каримов

Журналист

Каталониянинг “Барселона” клуби бош мураббий Ҳанс-Дитер Флик билан шартномани узайтиради. Бу ҳақда Марка нашри хабар бермоқда.

Манбага кўра, янги келишув 2027-йилнинг ёзига қадар мўлжалланган. Томонлар мавсум якунланганидан сўнг шартнома имзолайди.

Эслатиб ўтамиз, 60 ёшли германийалик мутахассис 2024-йилнинг май ойидан буён “Барселона”ни бошқариб келмоқда. Унинг қўл остида жамоа 2025-йилда Испания Суперкубогини қўлга киритди.

Маълумот учун, “Барселона” жорий мавсум Ла Лигада 33-турдан сўнг 76 очко жамғарган ҳолда турнир жадвалида пешқадамлик қилмоқда. Каталонияликлар навбатдаги ўйинини 26-апрел куни Испания Кубоги финалида “Реал Мадрид”га қарши ўтказади.