Арда Гюлер учун мавсум якунланди
Қолаверса, жаҳон чемпионатига қадар ҳам тикланиши номаълум бўлиб қолмоқда.
ФОТО: Getty images
“Реал” ярим ҳимоячиси Арда Гюлер жароҳат олди. Бу ҳақда клуб расмий сайти хабар берди.
“Бугун “Реал” тиббий хизмати томонидан ўтказилган текширувлардан сўнг, футболчи Арда Гюлернинг ўнг оёқ сон бицепс мушагида жароҳат борлиги аниқланди», — дейилади мадридликлар баёнотида.
Айрим манбаларга кўра, футболчи жорий мавсумда “қаймоқранглилар”га ёрдам бера олмайди. Қолаверса, жаҳон чемпионатига қадар ҳам тикланиши номаълум бўлиб қолмоқда.
Жорий мавсумда Арда Гюлер “Реал” сафида барча турнирларда 50 та ўйинда майдонга тушиб, 6 та гол урди ва 14 та голли узатмани амалга оширди.
Розикжон Султонмуродов
Журналист
