Арда Гулер \"Реал\" президенти Флорентино Пересга ультиматум қўйди
ФОТО: Getty Images
Мадриднинг "Реал" клуби ҳужумчиси Арда Гулер, агар Карло Анчелотти жамоада қоладиган бўлса, ёзда "Қироллик клуби"ни тарк этмоқчи.
Real Madrid Confidential хабарига кўра, туркиялик форвард бу ҳақда клуб президенти Флорентино Пересга айтиб, уни огоҳлантирган.
Гулернинг айтишича, у "Реал" таркибида жуда кам ўйнамоқда. Арда жорий мавсум Ла Лигада 20 та ўйин ўтказиб, битта гол ва 4 та голли узатмани амалга оширди.
Маълумот учун, Гулернинг "Реал" билан тузган амалдаги шартномаси 2029-йилнинг ёзигача мўлжалланган. Унинг Transfermarkt'даги нархи 45 миллион еврога баҳоланмоқда.
Насрулло Каримов
Журналист
