АПЛ. «МЮ» «Ноттингем Форест»ни мағлуб этди
Англия Премьер-лигасининг 37-тури доирасида «Манчестер Юнайтед» ўз майдонида «Ноттингем Форест» жамоасини қабул қилди. Унда мезбонлар 3:2 ҳисобидаги қийин ғалабани қўлга киритишди.
Учрашувда «МЮ» сафида Люк Шоу, Матеус Кунья ва Брайан Мбемо рақиб дарвозасини ишғол қилган бўлса, меҳмонлардан Морату ва Морган Гиббс-Уайт ўз номини таблога ёздириб қўйди.
Бу ғалабадан сўнг «Манчестер Юнайтед» ўз очколарини 68 тага етказиб, турнир жадвалида 3-ўринни мустаҳкамлади. «Ноттингем» эса 43 очко билан 16-поғонада бормоқда.
Маълумот учун, АПЛнинг сўнгги турида «қизил иблислар» «Брайтон» меҳмони бўлишса, «ўрмончилар» ўз уйида «Борнмут»ни қабул қилади. Ўйинлар 24 май куни бўлиб ўтади.
АПЛ. 37-тур
«Манчестер Юнайтед» — «Ноттингем Форест» — 3:2
Голлар: Люк Шоу 5 (1:0), Морату 53 (1:1), Матеус Кунья 55 (2:1), Брайан Мбемо 76 (3:1), Морган Гиббс-Уайт 78 (3:2).
