“Ан-Насср” спорт директори Роналдунинг келажаги ҳақида гапирди
ФОТО: Getty Images
Саудия Арабистонининг “Ан-Насср” клуби спорт директори Фернандо Йерронинг айтишича, клуб жамоанинг 40 ёшли ҳужумчиси Криштиану Роналду билан шартномани узайтириш борасида музокара олиб бормоқда.
“Биз ҳали ҳам Криштиану Роналду билан янги келишув бўйича музокараларни давом эттиряпмиз. Умид қиламанки, биз келишувга эришамиз”, — дея Йерронинг сўзларини келтиради Фабрицио Романо.
Маълумот учун, Роналду 2024/2025-йилги мавсумда 25 та гол уриб, Саудия Арабистони чемпионатининг энг яхши тўпурарига айланди. Унинг риядликлар билан тузган амалдаги шартномаси шу йилнинг ёзида якунга етади.
Насрулло Каримов
Журналист