“Андижон” янги ҳужумчи билан кучайди — Исмахил Акинаде жамоага қўшилди
Ирландияда тарбия топган нигериялик форвард 3 август куни “Қўқон-1912”га қарши дебют қилди
Расм: Telegram
Нигериялик ҳужумчи Исмахил Акинаде “Андижон” сафини тўлдирди. У таркибни тарк этган россиялик Ислам Машуковнинг ўрнини эгаллади.
Акинаде билан келишувни амалга оширган агент Кова Тилавпур футболчини Малайзия чемпионатидаги ўйинларидан яхши билади. Унинг сўзларига кўра, Исмахил — Ирландияда футбол таълими олган ва у ерда 7 мавсум юқори дивизионда тўп сурган. Кейинчалик Осиёга йўл олган ва тезда мослашган.
“У ёмон эмас, гол уришда самарали. Ҳаводаги курашларда яхши, тезкор, марказий ҳужумчи сифатида ҳам, вингер сифатида ҳам фойдали,” — дейди агент.
Бакрадзе Иман
Редактор
