Ана холос! Карло Анчелотти Бразилия терма жамоасини бошқаришдан бош тортди
Футбол
Насрулло Каримов
Журналист
ФОТО: Getty Images
Мадриднинг “Реал” клуби бош мураббийи Карло Анчелотти Бразилия терма жамоасини бошқаришдан бош тортди. Бу ҳақда Marca нашри хабар бермоқда.
Манбага кўра, италиялик мутахассис CBF президенти Эдналдо Родригес билан боғланиб, билдирилган қизиқиш учун ўз миннатдорлигини билдирган.
Қайд этилишича, Карло ҳозирда Саудиянинг номи ошкор қилинмаган клубидан келаётган муҳим таклифни кўриб чиқмоқда.
Таъкидланишича, Анчелотти клублар ўртасидаги Жаҳон чемпионатида “Реал Мадрид”ни бошқаради ва ушбу турнирдан сўнг клубни тарк этиб, бошқа жамоани бошқариши мумкин.
