Превью. \"Навбаҳор\" - \"Хоразм\"

Ўзбекистон кубоги 1/8 финалидан ўрин олган баҳсда “Навбаҳор” сафарда “Хоразм” (Урганч) меҳмони бўлади.

Мазкур жамоалар Ўзбекистон кубоги баҳсларида 2 марта бир-бирларига рўбарў келишган.
2007 йили Ўзбекистон кубогининг 2-босқичидан ўрин олган баҳсда “лочинлар” Урганчда “Хоразм” меҳмони бўлиб, йирик – 6:0 ҳисобида ғалаба қозониб, 1/8 финалга йўл олишганди.

2017 йили ҳам ушбу жамоалар Ўзбекистон кубогининг 2-босқичидан ўрин олган ўйинда дуч келишди ва бу сафарги учрашув Наманганда бўлиб ўтди ҳамда унда вакилларимиз йирик – 5:0 ҳисобида зафар қучиб, яна 1/8 финал йўлланмасини қўлга киритишганди.

Эслатиб ўтамиз, “Хоразм” – “Навбаҳор” учрашуви 2 июл куни Жиззах шаҳридаги “Марказий” стадионида соат 20:00 да старт олади.

Розикжон Султонмуродов

Журналист