Менди «Реал»ни тарк этиши мумкин

"Реал" клуби ҳимоячиси Ферлан Менди қишки трансфер ойнаси вақтида жамоасини алмаштириши мумкин. Бу ҳақда Fichajes хабар берди.

Манбага кўра, мадридликлар устози Хаби Алонсо чап қанот ҳимоячисини ўз режаларига киритмаяпти. Клуб ёзги трансфер ойнасида Альваро Каррерасни харид қилди. Шунингдек, Фран Гарсия ҳам кутилганидан яхшироқ ўйин кўрсатмоқда. Шу боис клуб Ферлан билан хайрлашишни истамоқда.

Эслатиб ўтамиз, Менди 2019 йилдан бери “Реал” шарафини ҳимоя қилади. У ҳозирга қадар клуб таркибида 201 ўйинда майдонга тушиб, ўз ҳисобига 6 та гол ва 9 та голли узатма ёздириб қўйган. Футболчининг клуб билан шартномаси 2027 йилнинг ёзига қадар амал қилади. Transfermarkt портали Менди трансфер нархини 14 миллион еврога баҳоламоқда.

Розикжон Султонмуродов

Журналист