Mendi «Real»ni tark etishi mumkin
"Real" klubi himoyachisi Ferlan Mendi qishki transfer oynasi vaqtida jamoasini almashtirishi mumkin. Bu haqda Fichajes xabar berdi.
Manbaga ko‘ra, madridliklar ustozi Xabi Alonso chap qanot himoyachisini o‘z rejalariga kiritmayapti. Klub yozgi transfer oynasida Alvaro Carrerasni xarid qildi. Shuningdek, Fran Garsiya ham kutilganidan yaxshiroq o‘yin ko‘rsatmoqda. Shu bois klub Ferlan bilan xayrlashishni istamoqda.
Eslatib o‘tamiz, Mendi 2019 yildan beri “Real” sharafini himoya qiladi. U hozirgacha klub tarkibida 201 o‘yinda maydonga tushib, o‘z hisobiga 6 ta gol va 9 ta golli uzatma yozdirib qo‘ygan. Futbolchining klub bilan shartnomasi 2027 yilning yozigacha amal qiladi. Transfermarkt portali Mendi transfer narxini 14 million yevroga baholamoqda.
