Safonov qishda «PSJ»ni tark etishga tayyor
Matvey parijliklar safida 2024 yildan buyon o‘ynab kelmoqda.
ФОТО: Getty images
Rossiyalik darvozabon Matvey Safonov qishki transfer oynasida Fransiyaning "Pari Sen-Jermen" klubini tark etishga tayyor. Bu haqda jurnalist va insayder Ekrem Konur X ijtimoiy tarmog‘ida yozib qoldirgan.
Safonov parijliklar safida 2024 yildan beri o‘ynab kelmoqda. O‘tgan mavsumda rossiyalik darvozabon 17 ta o‘yin o‘tkazib, 13 ta gol o‘tkazib yuborgan.
«PSJ» bilan rossiyalik futbolchi Fransiya chempioni va UEFA Chempionlar ligasi g‘olibiga aylangan.
Matvey bu mavsumda hali klub darajasida o‘ynamadi. Darvozabon avvalroq “Krasnodar”da o‘ynagan.
Roziqjon Sultonmurodov
Jurnalist