Сафонов қишда «ПСЖ» тарк этишга тайёр
Матвей парижликлар сафида 2024 йилдан буён ўйнаб келмоқда.
ФОТО: Getty images
Россиялик дарвозабон Матвей Сафонов қишки трансфер ойнасида Франциянинг "Пари Сен-Жермен" клубини тарк этишга тайёр. Бу ҳақда журналист ва инсайдер Экрем Конур Х ижтимоий тармоғида ёзиб қолдирган.
Сафонов парижликлар сафида 2024 йилдан буён ўйнаб келмоқда. Ўтган мавсумда россиялик дарвозабон 17та ўйин ўтказиб, 13та гол ўтказиб юборган.
«ПСЖ» билан россиялик футболчи Франция чемпиони ва УЕФА Чемпионлар лигаси ғолибига айланди.
Матвей бу мавсумда ҳали клуб даражасида ўйнамади. Дарвозабон аввалроқ “Краснодар”да ўйнаган.
Розикжон Султонмуродов
Журналист