Rudi Garsiya: «Barcha bizni mag'lub deb hisoblamoqda, ammo bizda javob berishga yetarli sifat bor»
Belgiya bosh murabbiyi Rudi Garsiya Ispaniyaga qarshi bahs oldidan raqibning kuchini tan olgan holda, o'z shogirdlarining imkoniyatlariga ishonishini bildirdi.
«Biz maydonga turnir favoritlaridan biriga qarshi tushayotganimizni yaxshi bilamiz. Ularning har bir futbolchisining salohiyati bizga ma'lum. Bu jamoaning so'nggi qariyb 20 yildagi asosiy kuchi — jamoaviy ruhi. Endi esa ular yanada jipslashgan va hozirgacha birorta ham gol o'tkazishmagan.
Biz esa gol urish uchun qo'limizdan kelgan barcha ishni qilamiz. Faqat himoyalanib o'ynash niyatimiz yo'q, aks holda musobaqani tark etamiz. Biz gol ura oladigan jamoamiz, Jahon chempionatidagi ikkinchi eng sermahsul hujumga egamiz. Barcha allaqachon bizni mag'lub deb hisoblamoqda, ammo jamoamizda o'z salohiyatini namoyon etish uchun yetarlicha sifat bor», — dedi Garsiya.
