Ronaldu «An-Nasr» aksiyalarining 25 foiziga egalik qiladi — Fisa

Saudiya Pro-ligasi maslahatchisi Bernd Fisaning ma'lum qilishicha, “An-Nasr” hujumchisi Krishtianu Ronaldu uzoq muddatli reja doirasida klub aksiyalarining 25 foiziga egalik qiladi.

«Krishtianu Ronaldu uzoq muddatli istiqbolda “An-Nasr” aksiyalarining 25 foizini o‘zi uchun kafolatladi», — deya Fisaning so‘zlarini keltiradi Cabine Desportiva X ijtimoiy tarmog‘ida.

41 yoshli portugaliyalik hujumchi 2023 yilning yanvar oyida erkin agent maqomida Saudiya Arabistonining “An-Nasr” klubiga o‘tgan edi.

Bu vaqt ichida hujumchi jamoa bilan ikkita sovrinni qo‘lga kiritdi — 2023 yilda Arab Chempionlar klublari kubogi va 2025/2026 yilgi mavsumda Saudiya Arabistoni chempionati.

Roziqjon Sultonmurodov

Jurnalist

0 0 0 0 0 0