Роналду «Ан-Наср» акцияларининг 25 фоизига эгалик қилади — Фиса
У 2023 йилнинг январидан бери Риёд клубида тўп тепиб келади.
ФОТО: Getty images
Саудия Про-лигаси маслаҳатчиси Бернд Фисанинг маълум қилишича, «Ан-Наср» ҳужумчиси Криштиану Роналду узоқ муддатли режа доирасида клуб акцияларининг 25 фоизига эгалик қилади.
«Криштиану Роналду узоқ муддатли истиқболда «Ан-Наср» акцияларининг 25 фоизини ўзи учун кафолатлади», — дея Фисанинг сўзларини келтиради Cabine Desportiva Х ижтимоий тармоғида.
41 ёшли португалиялик ҳужумчи 2023 йилнинг январь ойида эркин агент мақомида Саудиянинг «Ан-Наср» клубига ўтган эди.
Бу вақт ичида ҳужумчи жамоа билан иккита совринни қўлга киритди — 2023 йилда Араб чемпионлар клублари кубоги ва 2025/2026 йилги мавсумда Саудия Арабистони чемпионати.
Розикжон Султонмуродов
Журналист