Raul Albiol A Seriya debyutanti bilan kelishuvga erishdi
Фото: Getty Images
"Real"ning sobiq himoyachisi Raul Albiol faoliyatini yana Italiya chempionatida davom ettirishga yaqin turibdi. Bu haqda jurnalist Nikolo Skira xabar berdi.
Manbaga ko'ra, tajribali futbolchi "Piza" bilan muzokara olib bormoqda. Tomonlar kelishuvga erishgan. Tez orada rasmiy e'lon qilinishi kutilmoqda.
U A Seriya debyutanti bilan bir yillik shartnoma imzolaydi.
Albiolning "Vilyarreal" bilan shartnomasi o'tgan iyun oyida yakuniga yetdi va tajribali himoyachi endi A Seriyaga qaytishga rozi bo'ldi.
Eslatib o'tamiz, Raul ilgari "Napoli" safida Italiya chempionatida to'p surgan.
Roziqjon Sultonmurodov
Jurnalist