Rasmiy: «Barselona» Gordon transferini e'lon qildi
Yangi kelishuv 2031 yilning yozigacha amal qiladi.
Фото: Barcelona
“Barselona” o‘zining X ijtimoiy tarmog‘idagi sahifasida Entoni Gordonning Nyukasldan transferini rasman e’lon qildi.
Avvalroq xabar qilinganidek, “soqqalar” klubi direktorlar kengashi va saudiyalik egalari kataloniyaliklar tomonidan taklif qilingan 70 million yevro miqdoridagi qat’iy summani hamda qo‘shimcha bonuslarni qabul qilgan. Shu tariqa, transferning umumiy qiymati €80 milliondan oshib ketadi.
Joriy mavsumda Gordon barcha musobaqalarda “Nyukasl” safida 46 ta o‘yinda ishtirok etib, 17 ta gol urdi va 5 ta golli uzatmani amalga oshirdi. Transfermarkt ma’lumotlariga ko‘ra, futbolchining taxminiy qiymati €60 millionni tashkil etadi.
Roziqjon Sultonmurodov
Jurnalist
