Rasman! Kevin De Bruyne “Napoli” futbolchisiga aylandi
FOTO: Getty Images
Belgiyalik yarim himoyachi Kevin De Bruyne rasman “Napoli” futbolchisiga aylandi. Bu haqda klub matbuot xizmati xabar berdi.
“Qirol Kevin shu yerda”, - deyiladi xabarda.
Eslatib o'tamiz, avvalroq OAV'da belgiyalik futbolchi “Napoli” bilan 2+1 ko'rinishidagi shartnoma imzolagani haqida xabarlar tarqalgandi. De Bruyne neapolliklar tarkibida yiliga 5 million yevro maosh oladi.
Ma'lumot uchun, De Bruyne o'tgan mavsum “Manchester Siti” safida 40 ta o'yinda maydonga tushib, 6 ta gol urdi va 8 ta golli uzatmani amalga oshirdi. Uning Transfermarkt'dagi narxi 20 million yevroga baholanmoqda.
Nasrullo Karimov
Jurnalist