Rasman! Joan Garsiya “Barselona” futbolchisiga aylandi
FOTO: Getty Images
Ispaniyalik darvozabon Joan Garsiya rasman “Barselona” futbolchisiga aylandi. Bu haqda klub matbuot xizmati xabar bermoqda.
Manbaga ko'ra, kataloniyaliklar Garsiyaning 25 million yevrolik tovon pulini to'lagan. Tomonlar o'rtasida 2031-yilga qadar mo'ljallangan shartnoma imzolangan.
Qayd etilishicha, posbonning rasmiy taqdimot marosimi 20-iyun kuni bo'lib o'tishi rejalashtirilgan.
Ma'lumot uchun, Garsiya o'tgan mavsum La Ligada 38 ta o'yinda maydonga tushdi. Uning Transfermarkt'dagi narxi 25 million yevroga baholanmoqda.
Nasrullo Karimov
Jurnalist
