PSJ “Bavariya” himoyachisining transferi bo'yicha muzokaralar o'tkazmoqda
Futbol
Nasrullo Karimov
Jurnalist
FOTO: Getty Images
Fransiyaning PSJ klubi “Bavariya”ning 28 yoshli markaziy himoyachisi Kim Min Jega jiddiy qiziqish bildirmoqda. Bu haqda Footmercato nashri jurnalisti Santi Auna xabar berdi.
Manbaga ko'ra, shu hafta parijliklar sport direktori Luis Kampos va himoyachining vakillari o'rtasida uchrashuv bo'lib o'tgan. “Bavariya” transfer uchun 50 million yevro olishi kutilmoqda. Muzokaralar yaqin kunlarda davom etadi.
Qayd etilishicha, koreyalik himoyachiga Saudiya Arabistonining “An-Nassr” klubi ham qiziqish bildirmoqda.
Ma'lumot uchun, Kim Min Chje o'tgan mavsum barcha turnirlarda 43 ta o'yinda maydonga tushib, 3 ta golga mualliflik qildi. Uning Transfermarkt'dagi narxi 40 million yevroga baholanmoqda.
