Prev'yu. «Nasaf» — «Qo‘qon-1912»
Superliganing 25-turida "Qo‘qon-1912" – "Nasaf" o‘zaro bahs olib boradi.
Uchrashuv 16 oktabr kuni Qarshi shahrida bo‘lib o‘tadi. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Bu jamoalar shu paytgacha chempionat doirasida 29 marta to‘qnash kelishgan.
"Nasaf" o‘yinlarning 20 tasida g‘alaba qozongan, 5 ta bahsda vakillarimiz qo‘li baland kelgan. To‘rtta uchrashuvda durang natija qayd etilgan.
To‘plar nisbati – 53-27 "Nasaf" foydasiga. O‘zaro o‘yinlarda "Ajdarlar" 64 ochkoni qo‘lga kiritishgan. "Qo‘qon-1912" ochkosi 19 tani tashkil etadi.
Ertaga bo‘lib o‘tadigan uchrashuvni Temurbek To‘xtasinov boshchiligidagi hakamlar guruhi boshqarib boradi.
"Nasaf" — "Qo‘qon-1912"
16.10.2025, 19:30
Bosh hakam: Temurbek To‘xtasinov
Yordamchi hakamlar: Anvar Marajabov, Ziyodullo Abdurahmonov
Zaxira hakami: Rinat Serazitdinov
Nazoratchi: Rustam Bobomurodov
VAR: Abdurashid Xudoyberganov
AVAR: Akmal G‘iyosov
Komissar: Qudrat Madraimov
Boshlanish vaqtlari
"Qo‘qon-1912" – "Nasaf" uchrashuvi 16-oktabr kuni, soat 19:30 da boshlanadi. Uchrashuv Qarshidagi "Markaziy" stadionida bo‘lib o‘tadi.
