Pogba «Monako»dagi debyutidan soʻng taʼsirli izoh yozdi
«Monako» yarimhimoyachisi Pol Pogba Liga 1'ning 13-turida «Renn»ga qarshi o‘yindan so‘ng futbolga qaytishi haqida fikr bildirdi. Fransiyalik futbolchi 85-daqiqada maydonga tushdi, biroq jamoasi 1:4 hisobida mag‘lub bo‘ldi.
Pogba o‘zining X ijtimoiy tarmog‘idagi sahifasida shunday yozdi:
«Kecha unutilmas tun bo‘ldi. Ikki yillik tanaffusdan so‘ng maydonga qaytish men uchun so‘z bilan ifoda etib bo‘lmaydigan darajada katta ahamiyatga ega edi. Menga muhabbat, energiya va ishonch bergan barcha muxlislarga rahmat.
Meni qo‘llab-quvvatlagan, yonimda bo‘lgan va yo‘limning har bir lahzasidan o‘tishda yordam berganlarga cheksiz minnatdorchilik bildiraman. Bu debyut faqat meniki emas edi… u meni hech qachon yolg‘iz tark etmagan sizlarning barchangizga tegishli».
Ma’lumot uchun, Pogba jarohatlar va doping sababli 881 kun davomida maydonga tushmagan edi.
