O‘zbekiston kubogi. «So‘g‘diyona» Muborakda «Mash’al»ni mag‘lub etib, keyingi bosqichga yo‘l oldi
Muborak klubi guruh bosqichidayoq turnir bilan xayrlashadi.
Фото: Машъал ПФК
O‘zbekiston kubogi 2-turida “Mash’al” o‘z maydonida “So‘g‘diyona”ga qarshi bahs olib bordi. Uchrashuv 2:1 hisobida jizzaxliklarning g‘alabasi bilan yakunlandi.
O‘yinda “So‘g‘diyona” safida Abdullazizxon Abdurashidov va Ollobergan Karimov gollarga mualliflik qildi. “Gazchilar”ning yagona goli Ibrohim G‘anixonov hisobiga yozildi.
Shu tariqa, Ulug‘bek Baqoyev jamoasi ochkolar sonini 6 taga yetkazib, keyingi bosqichga yo‘l oldi. “Mash’al” esa guruh bosqichida qolib ketishi aniq bo‘ldi.
O‘zbekiston kubogi. 2-tur
Mash’al – So‘g‘diyona 1:2
Gollar: Ibrohim G‘anixonov 68 — Abdullazizxon Abdurashidov 8, Ollobergan Karimov 45+1.
Roziqjon Sultonmurodov
Jurnalist
