«Oson o‘yin kutmayapmiz». Dalot O‘zbekiston bilan o‘yin haqida
Portugaliya va O‘zbekiston bahsi 23-iyun kuniga belgilangan.
ФОТО: Getty images
Portugaliya terma jamoasi himoyachisi Diogu Dalot futbol bo‘yicha 2026-yilgi jahon chempionatining K guruhi 2-turi doirasida O‘zbekiston milliy terma jamoasiga qarshi o‘yin oldidan o‘z fikrlari bilan o‘rtoqlashdi.
«G‘alaba — eng muhimi. U ishonchlimi yoki yo‘qmi, g‘alaba g‘alabadir. Keyingi bosqichga chiqish uchun qo‘lga kiritishimiz mumkin bo‘lgan har bir ochko doimo muhim. Bizga qat’iyatli jamoa bilan to‘qnash kelishimiz kerak. Oson o‘yin kutmayapmiz, lekin to‘g‘ri qarorlar qabul qilish va o‘yinda g‘alaba qozonish o‘zimizga bog‘liq. Bu bizning asosiy vazifamiz», — deya Dalotning so‘zlarini keltiradi Portugaliya futbol federatsiyasining rasmiy sayti.
Ma’lumot uchun, guruh bosqichi 11-iyundan 27-iyungacha davom etadi.
