\"Napoli\" Sanchoga taklif tayyorlamoqda
Futbolchi APLni tark etishga tayyor.
Photo: Getty Images
“Manchester United” vingeri Jeydon Sancho faoliyatini Italiya chempionatida davom ettirishi mumkin.
Jurnalist Janluka Di Marzio xabar berishicha, 25 yoshli futbolchiga “Napoli” qiziqish bildirmoqda. Klub Sancho bo‘yicha taklif tayyorlamoqda.
Transfermarkt portalida keltirilgan ma'lumotlarga ko‘ra, ingliz vingerining bozor qiymati — 28 million yevroni tashkil etadi.
O‘tgan mavsumda Sancho “Chelsea”da ijarada o‘ynagan va barcha musobaqalar doirasida 42 ta o‘yinda 5 ta gol urib, 10 ta golga assistentlik qilgan.
