“Napoli” prezidenti Kontega omad tiladi
FOTO: Getty Images
“Napoli” prezidenti Aurelio De Laurentis jamoa bosh murabbiyi Antonio Kontega kelgusi faoliyatida muvaffaqiyatlar tiladi. Avvalroq, mutaxassis neapolliklarni tark etishi va katta ehtimol bilan “Yuventus”ga qaytishi haqida xabarlar tarqalgandi.
“Kontega professional faoliyatida muvaffaqiyatlar tilayman. U hurmatga loyiq inson, chunki u har kuni bor kuchini sarflaydi. Rahmat, Antonio!”, - deydi De Laurentis.
Eslatib o'tamiz, bir necha kun oldin Konte klubdagi birinchi yilidayoq “Napoli” bilan A Seriyani yutgan edi. O'tgan mavsum neapolliklar o'z natijalariga ko'ra chempionatda 10-o'rinni egallagan edi.
Nasrullo Karimov
Jurnalist