Muhammad Saloh bilan kelisha olmagan “Al-Hilol” yangi hujumchi topdi
FOTO: Getty Images
Saudiyaning “Al-Hilol” klubi yozgi transferlar vaqtida ijara asosida “Galatasaroy”da o'ynayotgan “Napoli” hujumchisi Viktor Osimhenni sotib olmoqchi. Bu haqda Goal.com nashri xabar bermoqda.
Manbaga ko'ra, Saudiya klubi dastlab “Liverpul” vingeri Muhammad Salohga qiziqish bildirgan, biroq misrlik hujumchi “Al-Hilol”ning taklifini rad etgan va mersisaydliklar bilan yangi shartnoma imzolagan.
Qayd etilishicha, endu saudiyaliklar klublar o'rtasidagi Jahon chempionati oldidan tarkibni kuchaytirish maqsadida Osimhenni sotib olishni rejalashtirmoqda.
Ma'lumot uchun, Osimhen joriy mavsum 35 ta o'yinda maydonga tushib, 30 ta gol urdi va 7 ta golli uzatmani amalga oshirdi. Uning Transfermarkt'dagi narxi 75 million yevroga baholanmoqda.
Nasrullo Karimov
Jurnalist