Arteta «Koventri» ustidagi g‘alabadan so‘ng jamoasi o‘yiniga baho berdi
"Arsenal" bosh murabbiyi Mikel Arteta jamoasining "Koventri"ga qarshi uchrashuvdagi o‘yinidan mamnunligini bildirdi. Ispaniyalik mutaxassis futbolchilarning harakatlarini yuqori baholadi.
"Ajoyib o‘yin bo‘ldi, yigitlarning harakatlarida menga ko‘p narsa yoqdi. Biz to‘liq ustunlik qildik, bir-birimiz bilan juda yaxshi hamkorlik qildik va to‘p bilan nihoyatda aniq harakat qildik.
Bu juda yaxshi jamoa. U murabbiy tomonidan yaxshi tayyorlangan va raqibga qanday qiyinchilik tug‘dirishni juda yaxshi tushunadi. Biz ularga so‘nggi daqiqalarga qadar vaziyatlar yaratish imkonini bermadik.
Biz uchrashuvni juda tez boshladik. Bu haqiqatan ham ijobiy holat edi. Biz aynan shu jihat ustida ishlagan edik va bundan keyin ham talablar darajasini shu yuqori pog‘onada ushlab turishda davom etamiz. Tarkibimizda shunday futbol o‘ynash uchun yetarlicha sifat bor. Biz doimo darajamizni oshirishga harakat qilamiz", — deya Artetaning so‘zlarini keltirmoqda BBC.
Ma'lumot uchun, o‘tgan mavsum yakuniga ko‘ra "Arsenal" Angliya chempioni bo‘lgan, "Koventri" esa Chempionshipda g‘olib chiqqan.
