Messi jahonga chempionatlaridagi gollar bo‘yicha o‘zining tarixiy rekordiga izoh berdi
Argentina terma jamoasi hujumchisi Lionel Messi futbol bo‘yicha 2026 yilgi Jahon chempionati guruh bosqichida Jazoir milliy terma jamoasiga qarshi o‘yindagi xet-trikdan so‘ng o‘zining tarixiy yutug‘i haqida fikr bildirdi. J guruhi 1-tur uchrashuvi Argentinaning 3:0 hisobidagi g‘alabasi bilan yakunlandi.
«Rostini aytsam, bu ro‘yxatda bo‘lish men uchun katta sharaf, lekin, oxir-oqibat, bu shunchaki statistika bo‘lib qoladi. Bu shunchaki statistika. Bu unchalik ko‘p narsani anglatmaydigan oddiy bir raqam. Men erishgan barcha narsalarimdan mamnunman. To‘g‘risini aytsam, hozir yashayotganimning hammasi — taqdir in’omi. Xudoning marhamati bilan yakka va jamoaviy darajada hamma narsaga erishdim, endi esa boshqa bir bosqichda yashayapman va bundan zavqlanayapman. Men shunchaki har bir lahzadan zavq olaman», — deya Messining so‘zlarini keltiradi The Touchline X ijtimoiy tarmog‘ida.
Ta’kidlash joizki, yakunlangan uchrashuvda Messi jahon chempionatlaridagi gollar bo‘yicha Miroslav Klosenning rekordini takrorladi. Argentina terma jamoasi navbatdagi o‘yinni 22 iyun kuni Avstriyaga qarshi o‘tkazadi.
