«Liverpul» London jamoalariga qarshi oʻyinlarda antirekord oʻrnatdi

Angliya Premer-ligasi

25.10.2025, Yak.

Brentford

3

Liverpul

2

«Liverpul» Angliya Premyer-ligasidagi ketma-ket toʻrtinchi magʻlubiyatini qayd etdi. Mersisaydliklar safarda «Brentford»ga 2:3 hisobida imkoniyatni boy berib qoʻydi.

Squawka nashrining xabariga koʻra, bu natija «qizillar» uchun yana bir antirekordni yaratdi — jamoa London klublariga qarshi Premyer-liga doirasidagi safar oʻyinlarida ketma-ket beshinchi marta magʻlubiyatga uchradi.

Arne Slot shogirdlari avvalroq «Chelsi»ga (1:2), «Kristal Pelas»ga (1:2), yana «Chelsi»ga (1:3) va «Fulhem»ga (2:3) yutqazishgandi.

Maʼlumot uchun, «Liverpul» oʻzining navbatdagi oʻyinini 29 oktyabr kuni oʻz maydonida «Kristal Pelas»ga qarshi oʻtkazadi. Hozirda mersisaydliklar APL turnir jadvalida 15 ochko bilan 6-oʻrinda bormoqda.

Nasrullo Karimov

Jurnalist