«Ливерпул» Лондон жамоаларига қарши ўйинларда антирекорд ўрнатди

Англия Премер-лигаси

25.10.2025, Як.

Брентфорд

3

Ливерпул

2

«Ливерпул» Англия Премьер-лигаcидаги кетма-кет тўртинчи мағлубиятини қайд этди. Мерсисайдликлар сафарда «Брентфорд»га 2:3 ҳисобига имкониятни бой бериб қўйишди.

Squawka нашрининг хабар беришича, бу натижа «қизиллар» учун яна бир антирекордни яратди — жамоа Лондон клубларига қарши Премьер-лига доирасидаги сафар ўйинларида кетма-кет бешинчи марта мағлубиятга учради.

Арне Слот шогирдлари аввалроқ «Челси»га (1:2), «Кристал Пэлас»га (1:2), яна «Челси»га (1:3) ва «Фулхэм»га (2:3) ютқазишган эди.

Маълумот учун, «Ливерпул» ўзининг навбатдаги ўйинини 29 октябр куни ўз майдонида «Кристал Пэлас»га қарши ўтказади. Ҳозирда мерсисайдликлар АПЛ турнир жадвалида 15 очко билан 6-ўринда бормоқда.

Насрулло Каримов

Журналист

0 0 0 0 0 0