Levandovski «Barselona»ni tark etishini e'lon qildi
Robert Levandovski joriy mavsum yakunida «Barselona»ni tark etishini ma'lum qildi.
«To'rt yillik sinovlar va qattiq mehnatdan so'ng yangi bosqichga o'tish vaqti keldi. Men o'z missiyamni bajardim degan hissiyot bilan ketayapman. To'rt mavsum — uchtalik chempionlik. Muxlislardan olgan mehrni hech qachon unutmayman. Kataloniya — mening uyim. Bu yerda o'tkazgan ajoyib yillarim uchun barchaga rahmat. Prezident Joan Laportaga alohida minnatdorlik bildiraman — u menga faoliyatimdagi eng ajoyib sahifalardan birini yashash imkonini berdi. “Barsa” o'z o'rniga qaytdi», — deb yozdi hujumchi ijtimoiy tarmoqda.
Levandovski «Barselona»ga 2022 yil yozida ko'chib o'tgan edi. Shu vaqt davomida u barcha musobaqalarda 191 ta o'yinda ishtirok etib, 119 ta gol va 24 ta golli uzatmaga mualliflik qildi.
Polshalik forvard kataloniyaliklar safida uch marta Ispaniya chempioniga aylandi, shuningdek, uch bor Superkubok va bir marta mamlakat Kubogini qo'lga kiritdi.
