Kukurelya «Barselona»ga o'tmoqchi
'Chelsi' himoyachisi Mark Kukurelya 'Barselona'ga o'tishni xohlamoqda. Bu haqda Mundo Deportivo nashri xabar bermoqda.
Manbaga ko'ra, futbolchi o'z klubini jamoasini o'zgartirish istagi haqida ogohlantirgan. Bundan tashqari, ispaniyalik futbolchini 'ko'k-anorranglilar' ustozi Xans-Diter Flik yuqori baholamoqda.
Xabar qilinishicha, Kataloniya klubining Kukurelyani xarid qilish borasidagi qadamlariga chap qanot himoyachisi Aleks Baldening ehtimoliy ketishi ta'sir qiladi. 'Chelsi' o'z futbolchisini 40 million yevrodan 50 million yevrogacha baholamoqda.
'Barselona'dan tashqari Kukurelyaga Angliya Premer-ligasi va boshqa yirik Yevropa ligalari klublari ham qiziqish bildirmoqda. 'Manchester Siti', 'Manchester Yunayted', 'Atletiko' Madrid va 'Real' so'nggi oylar davomida uning holatini diqqat bilan kuzatib borishgan.
