Krishtianu Ronaldu faoliyatini Braziliyada davom ettirishi mumkin
FOTO: Getty Images
Saudiyaning “An-Nassr” klubi hujumchisi Krishtianu Ronaldu faoliyatini nomi oshkor qilinmagan Braziliya klublaridan birida davom ettirishi mumkin. Bu haqda Marca nashri xabar bermoqda.
Manbaga ko'ra, ushbu klub portugaliyalik yulduzga bozor narxlaridan oshib ketadigan shartlarni taklif qilmoqda. Bundan tashqari, bitimga uchinchi tomon investorlari ham qo'shilishi mumkin.
Ta'kidlanishicha, bu taklifni qabul qilish orqali Ronaldu klublar o'rtasidagi Jahon chempionatida o'ynash imkoniyatiga ega bo'ladi.
Ma'lumot uchun, 2025-yilgi klublar o'rtasidagi Jahon chempionatida Braziliyaning “Palmeyras”, “Flamengo”, “Fluminense” va “Botafago” klublari ishtirok etadi.
Nasrullo Karimov
Jurnalist
