Криштиану Роналду фаолиятини Бразилияда давом эттириши мумкин
ФОТО: Getty Images
Саудиянинг «Ан-Насср» клуби ҳужумчиси Криштиану Роналду фаолиятини номи ошкор қилинмаган Бразилия клубларидан бирида давом эттириши мумкин. Бу ҳақда Marca нашри хабар бермоқда.
Манбага кўра, ушбу клуб португалиялик юлдузга бозор нархларидан ошиб кетадиган шартларни таклиф қилмоқда. Бундан ташқари, битимга учинчи томон инвесторлари ҳам қўшилиши мумкин.
Таъкидланишича, бу таклифни қабул қилиш орқали Роналду клублар ўртасидаги Жаҳон чемпионатида ўйнаш имкониятига эга бўлади.
Маълумот учун, 2025-йилги клублар ўртасидаги Жаҳон чемпионатида Бразилиянинг «Палмейрас», «Фламенго», «Флуминенсе» ва «Ботафого» клублари иштирок этади.
Насрулло Каримов
Журналист
